Кјелини по поразот од Македонија: Тешко е да се објасни вакво нешто

Џорџо Кјелини влезе во игра непосредно пред голот на Александар Трајковски и долго ќе го памети шокот на „Ренцо Барбера“, по кој Италија остана без пласман на уште едно светско првенство.

Искусниот дефанзивец по мечот се обидел да го објасни шокантниот пораз од Македонија во Палермо.

– Тешко е да објасни вакво нешто.

– Мислам дека одигравме добар натпревар, но не успеавме да реализираме. Не можете да кажете дека бевме многу претпазливи.

– Направивме многу грешки од септември наваму и сега ќе ја плаќаме сметката. Имавме 32 удари кон противничкиот гол, не дозволивме многу шанси на противникот, момците дадоа се од себе и се надевавме на поинаков резултат, – изјавил Кјелини.