Кузмановски одигра без грешка, Хановер по еден месец се израдува на победа

21.10.2021 Oktomvri Cetvrtok

Составот на Хановер од кој е дел македонскиот репрезентативец, Филип Кузмановски ја прекина лошата резултатска серија и славеше над Ерланген со 35-31 во Бундеслигата. Ова за Хановер беше прво лигашко славје по пауза од еден месец, поточно од 19 септември кога го совлада Бергишер на домашен терен со 28-20. Ерланген го доби првиот дел со 16-14, но во вториот дел гостите заиграа многу подобро, поефикасно и со 21-15 направија целосен пресврт и ги освоија двата бода. Нашиот Кузмановски беше еден од најзабележителните играчи кај победникот со пет гола од исто толку обиди. Хановер во наредното коло го пречекува Минден.