Крос нема дилеми: Тој е во Топ 3 играчи на светот (ФОТО)

Реал Мадрид оствари голема победа во дербито со Барселона (3-1) и со тоа испрати јасна порака дека не планира да се откаже во врвот на шпанскиот фудбал и во оваа сезона.

Бранителот на пехарот покажа игра во свој стил, играше цврсто, сигурно, ги искористи своите шанси и со тоа и нанеса уште еден удар на Барселона која да не заборавиме неколку дена претходно не дојде ни до посакуваниот резултат против Интер во ЛШ, а со тоа се стави во тешка ситуација и многу веројатно втора година по ред ќе мора да игра во Лига Европа.

Еден од головите за Реал беше дело на Федерико Валверде за кого Тони Крос испрати големи комплименти на социјалните мрежи:

-Феде Валверде е во топ 3 во светот во моментов, -порача Крос.Уругвецот му е заблагодари и му возврати дека тој е неговиот најдобар учител.

Феде во оваа сезона има четири голови и една асистенција во Примера и еден погодок и една асистенција во ЛШ.