Кристијано Роналдо влезе во историјата на Лигата на шампионите

29.09.2021 Septemvri Sreda

Фудбалерот на Манчестер Јунајтед, Кристијано Роналдо собори уште еден рекорд откако се појави на теренот на „Олд Трафорд“ на денешниот натпревар против Вилјареал.

Португалецот од вечерва стана играчот со најмногу настапи во Лигата на шампионите надминувајќи го неговиот некогашен соиграч од Реал Мадрид, Икер Касилјас.

Вечерашниот натпревар против „жолтата подморница“ е 178. во најелитното европско натпреварување со што го надмина Касилјас кој остана на 177. натпревари, најмногу во дресот на Реал Мадрид.

Од активните фудбалери, Лионел Меси е најблиску според бројот на натпревари до португалскиот фудбалер.

Играчот на ПСЖ во досегашниот тек од својата кариера има 151 натпревар во Лигата на шампионите од кои 149 во дресот на Барселона и два во дресот на ПСЖ.