Кристијан Бејл: Секоја главна улога во Холивуд прво му се нуди на Ди Каприо

Познатиот актер Кристијан Бејл тврди дека неговиот колега Леонардо ди Каприо ја добива првата понуда за секоја главна машка улога во Холивуд. Бејл тврди дека и покрај сите негови импресивни улоги во филмовите, Леонардо е „најзаслужен“ токму затоа што ги одбил.

– До денес, секоја улога што некој ја добива, се случува само затоа што Ди Каприо прв ја одбил – изјави Бејл во интервју за списанието „Џи-кју“.

Актерот додаде дека сите актери на слична возраст како Леонардо му ја должат својата кариера.

– Претпоставувам дека речиси сите на слична возраст како него во Холивуд ја должат својата кариера на фактот што тој ги одбил проектите во кои потоа учествувале. Не е важно што некој ќе ти каже. Не е важно колку си добар со режисерите. Сите тие луѓе со кои сум работел многупати, сите прво му ја понудиле улогата. Еден всушност и ми го кажа тоа. Затоа, ти благодарам Лео, бидејќи буквално, тој може да избере сè што прави. И добро за него затоа што е феноменален – вели актерот.