Крај на една успешна приказна: Пике во сабота го игра последниот меч на „Камп Ноу“

Поранешниот шпански репрезентативец, Жерард Пике ја шокираше јавноста и најави крај на својата кариера сред актуелнава сезона.

Ѕвездата на Барселона со емотивно видео се огласи на социјалните мрежи каде пред се им се обрати на навивачите на каталонците на кои им порача дека дуелот со Алмерија ќе биде негов последен на „Камп Ноу“.

-Откако ми се остварија детските соништа, дојде време да ви кажам патувањето завршува. Секогаш зборував дека нема да има друг клуб по Барселона, па така и ќе биде. Ова сабота ќе биде мојот последниот натпревар на „Камп Ноу“, -порача Пике во дел од своето видео во кое вети дека секогаш ќе го поддржува и навива клубот, ќе им ја пренеси љубовта на неговите деца, но и дека еден ден сигурно ќе се врати.