Краудер го погоди во око, но маестралниот Џорџ продуцираше брејк за Клиперс (Видео)
- Aleksandar Santovski
- Jun 29, 2021
- 1 min read
Лос Анџелес Клиперс останува жив во финалето на Западот во НБА плејофот, по триумфот на гостувањето кај Феникс со 116:102.
Феникс сега води со 3:2 во пресрет на гостувањето во Ел-Еј и тоа може да донесе дополнителна драма со евентуална мајсторка, посебно ако се знае дека на клупата на Клиперс е Тајрон Лу.
Клиперс водеа на полувреме со десет поени, Феникс успеа да се врати во натпреварот во третиот период во кој стигна и до водство, но противникот возврати со предност од 16 поени, па истата рутински ја задржа во последната делница.
Гостите настапија и без Зубац, но расположениот Пол Џорџ уфрли 41 поен, а му помогнаа и Џексон и Морис со 23, односно 22 поени. Кај Феникс, Букер реализираше 31 поен, додека Пол го заврши натпреварот со 22 поени.
Петтиот натпревар донесе и неколку контроверзни моменти, вклучувајќи го неспортскиот прекршок на Краудер, кој го погоди Џорџ во окото, но и со тоа не успеа да го неутрализира најрасположениот играч на Клиперс.

Comments