Кралицата Елизабета лансираше бренд на био производи, вклучувајќи го и „кралскиот кечап“

Англиската кралица Елизабета не мирува ниту на 96 години. Таа лансираше свој бренд со био производи.

Кралицата лансираше бренд со производи направени на нејзиниот имот во Норфолк. Сите потребни ресурси за производство се од имотот, а меѓу производите во брендот е и кралскиот кечап, пишува магазинот People.

– Идеален за појадок или кој било друг дел од денот – е слоганот на овој кечап.

Главната состојка се доматите, но овој кечап содржи и сок од јаболко и разни зачини.

Цената на овој популарен додаток, за шише од 300 милилитри изнесува околу девет долари.

Поранешниот готвач на кралицата, Дарен Мекгрејди, откри дека кралицата обожава хамбургери, но ги јаде без пецива, со вилушка и нож, а наместо кечап користи брусница.