Крадци ги однеле месинганите плочи со ликот на Мајка Тереза од пред главниот влез на МОБ

Непознати крадци ноќеска ги однеле четирите плочи со ликот на Мајка Тереза од плоштадот кој го носи името на хуманитарката, поставени пред главниот влез на Националната опера и балет, соопшти полицијата.

Кражбата била забележана утрово.

„На 04.05.2023 во 09.00 часот во СВР Скопје било пријавено дека на 25.04.2023 пред главниот влез од Националната опера и балет во Скопје биле одземени четири месингани плочи со ликот на Мајка Тереза“, се вели во полициското соопштение.

Месингот е атрактивен за крадците на секундарни суровини поради далеку повисоката цена од другите слични материјали – килограм од легурата на бакар и цинк чини од 120 до 140 денари.

Се преземаат мерки за расчистување на случајот, велат од МВР.