Концертна промоција на New Era на Никола Мицевски во Битола

Нов возбудлив проект на „Авалон продукција“ – концертната промоција на Никола Мицевски по повод неговиот нов албум NEW ERA! Првиот од неколкуте планирани концерти ќе биде одржан во неговата родна Битола на 9 декември во Центарот за култура! Проектот NEW ERA претставува симбиоза на разни жанрови, едно филмско начело фузирано со етно, рок и електро-основи во служба на пијаното и солистички инструменти. Никола Мицевски, заедно со неколку познати инструментални и вокални солисти, во придружба на бенд од 15-ина академски музичари, спрема едно одлично музичко и визуелно патување, кое ги поместува стандардите и границите на македонската инструментална музика! Влезниците ќе бидат во продажба од среда (16 ноември) онлајн на www.avalon.mk и во продажната мрежа на „Авалон“ во Македонија.