Концерт на „Трио Јонген“ од Хрватска во Музејот на македонската борба

19.07.2021 Juli Ponedelnik

Во рамки на 42. издание на манифестацијата „Скопско лето“, во Музејот на македонската борба на 19 јули со почеток во 20:30 часот концерт ќе одржи “Трио Јонген“ од Хрватска.

Триото Јонген го сочинуваат: Рената Пенезиќ – флејта, Жарко Перишиќ – фагот и Марина Матолиќ – пијано.

Триото е единствениот ансамбл на овие простори кој го негува транспарентното филигранско разиграно свирење музика во вистинскиот дух на француската школа за дувачки инструменти. Виртуози на своите инструменти, солисти во оркестри и професори на Музичката академија во Загреб ги соединија вештините и љубовта кон заемното свирење музика со цел да ѝ го претстават на публиката овој интересен спој на инструментите и боите.

Концертот ќе се одржи согласно протоколите за спречување на ширење на КОВИД-19.