Концерт на Дино Имери за денот на Европа во Битола

Во организација на културниот – информативен центар – Битола, а со поддршка на општина Битола, по повод 9 Мај „Денот на Европа“ свечен концерт ќе одржи Дино Имери. Концертот ќе се одржи во концертната сала на Офицерскиот дом во Битола.

Овој настан е дел од програмата за одбележување на „Денот на Европа“ на општина Битола и е прв пијано концерт на концертниот клавир „Bösendorfer“ по пренесувањето во Офицерскиот дом и воедно промоција на концертната сала во истиот.

На концертот Дино Имери ќе се претстави со дела на Ф. Шопен, Ф. Лист, А. Џамбазов, Д. Имери, М. Завков, С.Н. Ѓумар.

М.М.