Конте за ланскиот пораз на Тотенхем: Загубивме од Роналдо, а не од Јунајтед

Тотенхем му гостува на Манчестер Јунајтед на денешниот најинтересен натпревар во англиската Премиер лига, а Антонио Конте се надева дека оваа сезона нема да има толку проблеми со Кристијано Роналдо.

Португалецот минатата сезона постигна хет-трик на „Олд Трафорд“ и неговиот тим го совлада Тотенхем со 3:2, па Конте уште еднаш го истакна ефектот на најголемата ѕвезда на Јунајтед.

– Минатата сезона тој постигна хет-трик против нас, сега се надевам дека ќе биде потивок.

– Зборуваме за топ фудбалер, фудбалер кој продолжува да прави разлика на теренот и за тимот за кој настапува.

– Минатата сезона загубивме со 3:2, но загубивме од него, а не од Јунајтед, – рекол Конте.

Тотенхем има седум бода и натпревар повеќе од Јунајтед во пресрет на вечерашното соочување.