Конкурс на ДПМ за најдобри песна, есеј и краток расказ

Друштвото на писателите на Македонија (ДПМ) распишува конкурс за најдобра песна, краток расказ и есеј на тема Липа за манифестацијата „Празник на липите’’.

На конкурсот може да учествуваат сите членови на ДПМ, а изборот за најдобра песна, краток расказ и есеј, ќе го врши тричлена комисија.

Песната, краткиот расказ или есејот треба да се испратат во четири примероци потпишани со име и презиме, е-пошта и телефон од авторот на следнава адреса; Друштво на писателите на Македонија, улица Максим Горки бр.18 1000 Скопје, или на адресата на ДПМ; drustvonapisateli@gmail.com најдоцна до 15 јуни 2022 годинa.

Манифестацијата „Празник на липите“ ќе се одржи во втората половина на јуни, а точниот датум ќе биде дополнително објавен.