Конзервација на мозаиците во Хераклеја Линкестис со грант од САД

09.08.2021 Avgust Ponedelnik

Со 100.000 долари грант од САД ќе се врши конзервација и презентација на мозаиците и архитектура на археолошкиот локалитет Хераклеја Линкестис.

Според проекната сокументација, со конзерваторските зафати ќе бидат опфатени мозаичните површини и архитектурата во делот на Малата и Големата базилика, Епископската резиденција, кружната кула, градската фонтана и други содржини.

„Конзерваторските интервенции кои во голем обем и интегрално, за првпат се преземаат благодарение на овој грант, не само што ќе овозможат зачувување на овие исклучително вредни културни добра по кои Хераклеја е препознатлива, туку ќе дадат ново светло и значење на самиот локалитет“, посочија од Националната установа Завод и Музеј-Битола.

Проектната апликација е поддржана од американската амбасада во земјава, а реализацијата е во тек.