Конечно е постигнат договор: Јунајтед го добива првото големо летно засилување

Манчестер Јунајтед беше најмирна екипа на трансфер пазарот кога се во прашање оние состави од самиот врв на англискиот фудбал, поточно секој од конкурентите како Манчестер Сити, Арсенал, Ливерпул, Челси, па дури и Њукасл и Тотенхем можеа да се пофалат со некој квалитетен трансфер, зделка.

Сега им дојде редот и на „црвените ѓаволи“ кои дефинитивно успеале конечно да си подадат рака со Челси за услугите на Мејсон Маунт. Доста време се „тегнаа“ двата клуба, преговорите траеа, па дури и имаше најави дека Јунајтед ќе се повлече од трката за англискиот репрезентативец за да сепак се пронајде заеднички јазик.

Добро информираниот Фабрицио Романо информора дека за пакет вреден 60 милиони фунти Маунт ќе слета на „Олд Трафорд“.

Од претходно се договорени личните услови што значи дека 24-годишниот Маунт во иднина ќе го гледаме во дресот на „црвените“ од Манчестер.

Маунт е играч кој во досегашната кариера има настапувано уште за Витесе и Дерби Каунти.