top of page

Композицијата „Сон“ на Пламенка Трајковска на Јутјуб

Updated: Apr 1, 2022

31.03.2022 Mart Cetvrtok

Новиот спот за композицијата „Сон“ (Dream) на нашата виолинистка Пламенка Трајковска ќе ѝ биде достапен за јавноста на 31 март (четврток), во 20 часот, на официјалниот јутјуб-канал на Пламенка Трајковска. Видеоспотот е сниман во студиото на Владимир Георгиев, со феноменалната камера на Јован Лесански.

Синглот „Dream“ е веќе достапен на сите онлајн музички продавници и стриминг-платформи Спортифај, Ајтунс и Дезер. Композицијата е инструментална, за соло виолина во поп-класичен стил и Пламенка Трајковска е комплетен автор и изведувач. Насловот на песната е инспириран од размислувањата за животниот пат, за искуствата, за илузијата и сонот.

Трајковска е професионална виолинистка, член на Филхармонијата и долги години раководи и настапува со музичката организација „Пламенка Трајковска – мали камерни состави“. Досега таа ги издаде албумот во кросовер „Апасионато“ и класичниот албум за деца „Карневал на животните“ од Камиј Сен Санс. Автор и изведувач е на ЕР „Светулки“ и има неколку сингла како „Твојот допир“, „Жена“, „Розите од истокот“ и „Феникс“. Во јавноста направи и обработки на фолклорни македонски теми како „Елено“, „Ој девојче“ и „Слушам кај шумат шумите“ и триптих со наслов „Ехо“ во кои употребува звуци од природата, електронска музика, соло виолина и фолклорни теми.


 
 
 

Comments


bottom of page