Кога Столе ќе каже „стоп“: Рајо ја издвои клучната одбрана Димитриевски

Рајо Валјекано не можеше да го повтори интензитетот од натпреварот против Реал Мадрид кој се играше во понеделникот, но сепак повторно освои бод и продолжи да собира поени на табелата во шпанската Ла Лига.

Тимот од шпанската престолнина одигра 0:0 против Селта Виго во мечот во кој царуваа голманите, а еден од нив беше нашиот Столе Димитриевски.

Како и на мечот со Севилја пред неколку седмици, македонскиот репрезентативец имаше клучна одбрана во првото полувреме од мечот со Селта Виго, а истата беше издвоена од страна на Рајо Валјекано.

Карлес Перез од Селта излезе сам пред голот и беше очи в очи со Столе, но го загуби директниот дуел со Македонецот по рефлексната интервенција на Димитриевски.

Столе го заврши мечот со три одбрани, а исто толку имаше и Марчезин на спротивната страна.