Книга: „Специјалист за љубомора“ – и други раскази

Специјалист за љубомора“ на Ју Несбе се мрачни и возбудливи приказни – патување низ изопачените, лажливи умови на одмаздољубивите срца. Приказни проникнати со најмоќните човечки чувства.

Во својот добропознат манир, Несбе ги прикажува можните смртоносни последици од неискреноста, љубомората и неверството. Извонредната атмосфера, шокантните пресврти и неизвесноста – што мајсторски ги владее, одново го потврдуваат како најдобар крими – автор на денешницата.

Насловниот расказ е само вовед во многу заплеткани животни истории. Инспектор, спецјалист за љубомора, кој на островот Калминос ќе се соочи со чудно исчезнување на еден германски турист. Таксист кој ја наоѓа обетката на сопругата во автомобилот на својот работодавач. Жена која дознала дека сопругот ја изневерува и на летот од Њујорк до Лондон му го раскажува својот морничав план на човекот кој седи до неа…