Книга: „Кратки одговори на крупните прашања“ од Стивен Хокинг

Широкоопфатна, интелектуално стимулативна, посветено аргументирана и проткаена со неговиот карактеристичен хумор, „Кратки одговори на крупните прашања“ од Стивен Хокинг, последната книга на еден од најголемите умови во историјата, е лично гледиште за предизвиците со коишто се соочуваме како човечки род и за тоа кон каде ние, како планета, одиме понатаму.

Светски најпознатиот космолог и автор на бестселерот „Кратка историја на времето“, во ова брилијантно постхумно дело ни ги предава своите последни размисли за најкрупните прашања за универзумот. Како настанал универзумот? Дали човештвото ќе преживее на Земјата? Постои ли интелигентен живот вон нашиот Сончев систем? Можно ли е вештачката интелигенција некогаш да нè надмине? Хокинг го прошири нашето разбирање за универзумот и ни откри некои од неговите најголеми мистерии.