Клоп предупредува за Бенфика: Не смее да ни се повтори дуелот со Интер

Ливерпул си обезбеди солидна предност од првиот натпревар со Бенфика во четвртфиналето на Лигата на шампионите, но менаџерот Јирген Клоп го спомена дуелот со Интер како добра лекција за неговите фудбалери.

Премиерлигашот славеше со 3:1 во Лисабон, но Клоп смета дека еден примен гол може да донесе драма на теренот.

– Победата 3:1 е само прво полувреме и е подеднакво опасна како победа од 2:0.

– Тоа е добра основа за успех, но ако постигнат први гол како Интер, тогаш натпреварот се менува.

– Го почувствувавме тоа и во Лисабон, кога противникот даде гол работите изгледаа поинаку. Мораме да им дадеме на знаење дека „Енфилд“ е место на кое не сакаат да бидат, – изјавил Клоп.