Клоп за летните планови на Ливерпул без ЛШ: Потешко е да се донесат играчи, но…

Ливерпул во овој момент нема пласман во Лигата на шампионите, поточно е во позиција да чека киксови на Њукасл и Манчестер Јунајтед во завршните рунди за да може некако да дојде до Топ 4

Сепак таа мисија не е лесна особено ако се земе предвид дека главните ривали имаат одиграно и еден меч помалку, па „црвените“ во овој момент се подготвуваат за наредната сезона без билет, елитното натпреварување, односно ја немаат таа алатка во своите раце кога преговараат за потенцијалните засилувања.

Менаџерот Јирген Клоп признава дека е потешко да се привлечат играчи, ама воедно потенцира дека Ливерпул се уште е голем бренд, гигант кој фудбалерите го почитуваат.

-Не можеме да му кажеме на никого дека ќе бидеме во ЛШ, па кога разговарам со играч, ако ми е дозволено што е реткост-можете да видите дека се заинтересирани, ние не сме 100% во Лигата на шампионите следната сезона и тоа они го знаат. Очигледно е дека мора да се бориме да сме дел од Лигата на шампионите и за трофеи, и ако сакате да бидете дел од тоа, вие сте повеќе од добредојдени.

-Останатот е исто како порано, фантастичен клуб со навистина добар тим и се надевам уште подобар следната година. Сè уште е Ливерпул и тоа значи дека сме навистина привлечни за многу играчи. Не треба тоа да го заборавиме тоа. Не сум загрижен за тоа. Се разбира, потешко е без Лига на шампиони, особено на долг рок. Не треба да го правиме тоа често да го правиме, -порача Германецот.