Кинескиот „Планина на смртта” пред македонската публика

Кинескиот филм „Планина на смртта” (Cloudy Mountain) во режија на Ли Јун од 16 јуни ќе започне да се прикажува ширум кината во земјава.

Во филмот, татко и син ќе се обидат да ги сочуваат својот град и новоизградениот тунел од природните катастрофи. Приказната во филмот, со која публиката може да се поистовети, се скромноста и личната заложба, бидејќи дејството не се занимава со спасување на целиот свет, туку на својот град, својот микроуниверзум во кој непријателот не е некој странец со супермоќи, туку самата природа. Во главните улоги во филмот се појавуваат актерите Ји Лонг Зу, Зи-Зонг Уанг и Шу Чен.

„Првите филмски критики го карактеризираат како интересен, возбудлив и освежувачко искрен филм, додека, пак, интересот беше насочен кон напорниот тренинг на актерите Ји Лонг Зу и Зи-Зонг Уанг, кои вежбале еден месец на ѕидот за искачување со професионални инструктори со цел колку што е можно поуверливо да ја доловат спецификата на катастрофата“, посочува дистрибутерот на филмот.