Кинески филм ги победува Бонд и Марвел на киноблагајните

18.10.2021 Oktomvri Ponedelnik

Најголем филм во светот во моментов не е најновиот филм за Бонд „Не е време за умирање“ , па дури ни Марвеловиот „Шанг Чи и легендата за десетте прстени“. Како што објави „Би-би-си“, тоа е кинески пропаганден филм за Корејската војна во 1950-тите, фокусиран на приказна за кинески војници кои извојуваат победа над американските трупи. Само две недели од објавувањето, The Battle at Lake Changjin („Битката кај езерото Чангџин“) заработи над 633 милиони долари на киноблагајните. Ова го става далеку пред глобалните заработки на „Шанг Чи“ од 402 милиони долари, и за само половина од времето. „Битката кај езерото Чангџин“, епика на Корејската војна, е на пат да стане филм со најголема заработка во Кина досега. Неговиот успех е добра вест за кинескиот филмски сектор зафатен од пандемијата, имајќи предвид дека ковид ги принуди кината да се затворат и да се отворат во повеќе наврати. Тоа е уште подобра вест за државата, за која експертите велат дека изгледа дека ја смислила формулата за привлекување на пропагандата до масите.