КИНЕСКАТА НОВА ГОДИНА ЌЕ СЕ СЛАВИ 15 ДЕНА: Кина со голема прослава ќе ја пречека годината на тигарот

Големите подготовки на прославата на Нова година во Кина веќе се во тек – се подготвуваат многу специјалитети, домовите се чистат, се купуваат подароци за најблиските, се со надеж дека следната година ќе биде подобра од претходната

Кинеската Нова година, или Пролетниот фестивал, е најголемиот празник во Кина. Датумот се менува, но традицијата не. Сите тогаш се враќаат дома, каде и да се за да бидат заедно, 2 милијарди луѓе. Кинеската Нова 2022 година ќе се слави 15 дена – од 1 до 15 февруари. Во тоа време, сите оние што ги почитуваат источните традиции можат да се приклучат на прославата која има традиција повеќе од 1.000 години.

Почетокот и крајот на празникот се одбележуваат со свечени настани, концерти, огномет. Се одржуваат театарски претстави, актерите презентираат историски настани. Главната молитва се одржува во храмот Лонгхуаса, сите побожни Кинези сакаат да присуствуваат на оваа церемонија. Се организираат саеми, на посетителите им се нудат егзотични јадења и закуски, се продаваат дела уметници на слики од симболите на годината.

Легендата вели дека чудовиштето Нијан – полузмеј, полулав, излегува од својата скривница и ги напаѓа луѓето токму на лунарната Нова година. Понекогаш луѓето палеле стебленца од бамбус за да го избркаат чудовиштето. Денес се организираат спектакуларни огномети во Пекинг и другите поголеми градови во Кина. Чудовиштето Нијан исто така се плаши од црвената боја, па затоа за Кинеската Нова година речиси сè е црвено. Црвената е боја на сонцето и симбол на силата, крвта и животот, па и боја на огнот со кој се истерува змејот и симболизира топлина и славење.

Секоја година е означена како година на едно од 12. животни од кинескиот хороскоп. 2022 година е година на тигарот. Според популарните верувања, за луѓето родени во знакот на тигарот, 2022 година е година на судбината, време на драматични промени и исполнување на желбите.

Според традиција, пред почетокот на празниците Кинезите прават генерално чистење на куќата. Ги следат верувањата дека е важно да се ослободат од сè што е непотребно, скршено, оштетено, бидејќи тоа спречува да влезе во домот лоша енергија. Се верува дека Царството небесно помага да се решат ланските неуспеси и да се донесе просперитет во куќата. За празниците се подготвува многу храна. Менито на празничниот оброк мора да содржи риба која симболизира богатство, пилешко за кое се верува дека носи среќа како и кнедли кои се традиционално јадења. Рдоквата се смета како најпопуларна од зимски зеленчуци, од овошјето – мандарини и портокали и од слатките оризови топчиња и колачи.

Вообичаено е за празникот да се подаруваат пари во црвени коверти, што е симбол на желбата за напредок и среќа. Постои и традиција на давање подароци во парен број, на пример, комплет од две чаши со симболот на годината. Се подарува

ат скапи подароци на блиски роднини, а симболични подароци на пријатели и познаници.