Кејт Винслет за сцена од „Титаник“: Водата беше длабока до половината, Лео беше на колена

25.09.2024 Septemvri Sreda

Кејт Винслет откри интересен податок за сцената со вратата од Титаник, пренесува People.

Кејт откри дека водата не е ни приближно длабока како што изгледа на екранот.

„За ја разбијам илузијата, базенот во тој момент беше длабок до половината“, рече таа. Кејт исто така истакна дека било многу лесно да се влегува и излегува од базенот за да се оди во тоалет за време на снимањето.

„Во секој случај, да. Беше до половината. Лео, се плашам да кажам, беше на колена. Не треба да го кажам тоа, Камерон ќе ми се јави”, се пошегува Винслет.

„Всушност, она што беше неверојатно за рабовите на базенот беше тоа што беше „бесконечен“ базен. Секогаш течеше вода и можеше да се слушне постојаниот звук на водата“, рече таа.

Винслет, исто така, се присети дека се прикрадувала во кино во Њујорк за да го види Титаник за прв пат со двајца пријатели. „Кога беше премиерно прикажан во Лондон, навистина не бев добро. Имав страшно труење со храна и всушност бев во болница во Лондон, навистина чудно. А кога излезе во САД бев на погреб“, објасни британската ѕвезда.