Карлос Мачадо директно од „Драгао“: Честитки за Македонија, нивниот сон мора да продолжи

30.03.2022 Mart Sreda

Карлос Мачадо е еден од најпознатите португалски новинари кои во моментов работи за прес тимот на УЕФА.

Португалецот, очекувано беше на „Драгао“ и ја имаше улогата на стручен коментатор од натпреварот помеѓу Португалија и Македонија по кој селекцијата на „селекао“ по шести пат по ред обезбеди настап на едно Светско првенство.

Португалија беше фаворит и на почетокот на средбата, а и покрај победата во Италија малкумина очекуваа дека Македонија ќе биде „тврд орев“ на натпреварот пред преполниот „Драгао“.

Сепак, тоа се случи, нашите репрезентативци одиграа сосема солидно и головите ги примија по нивни грешки и контра напади, што значи дека Португалија немала толку лесен пат до Мундијалот во Катар.

Тоа го потврди и самиот Мачадо кој директно од теренот на легендарниот португалски стадион упати честитки за македонските репрезентативци.

– Португалија успеа. „Селекао“ се пласираше на шестото Светско првренство по ред, додека сонот на Македонија мора да продолжи. Двата гола на Фернаднеш ја направија разликата и докажаа дека Македонија сепак е еден чекор подалеку од Светското првенство.

– Португалија се пласираше на Светското првенство со тешко извојувана победа против жилавата репрезентација на Македонија. Двата гола беа од контра напади, а тоа покажува дека домашниот тим имаше потешкотии при креирањето на шансите. Тоа го кажа и Фернандо Сантош, домаќинот имаше повеќе шанси и посед на топката, но честитки и за гостите кои и тоа како им отежнаа на противниците, -гласеше коментарот на Карлос Мачадо.