Капитенот на Камерун го провоцира Салах: Не ме импресионира, не е на исто ниво со Мбапе

Вечерва се игра второто полуфинале на Купот на африканските нации и тоа помеѓу домаќинот Камерун и Египет.

Ова е средба која дефинитивно предизвикува многу внимание, атмосферата се загрева со провокативни изјави кои доаѓаат пред се од таборот на Камерунците. Првиот човек на федерацијата на оваа земја, Самуел Ето им порача на сонардониците оваа средба да ја доживеаат како да одат во војна за да во меѓувреме стигне уште една изјава и тоа капитенот Венсан Абубакар кој зборуваше за најдобриот играч на „фараоните“ Мо Салах.

-Го гледам како претходно. Тој има одлична сезона во Премиер лигата, и помага на својата земја да напредува во ова натпреварување. Му посакувам многу среќа. Нека победи подобриот. Не сум многу импресиониран од него. Јасно го кажувам затоа што сум искрен човек и имам свој начин на гледање на работите. Кога би ме импресионирал, тоа би го кажал. Ама тој не ме импресионира.

-Добар играч, постигнува многу голови, но не произведува многу работи во играта. Секако дека прави добри работи во Премиер лигата бидејќи со години е во тим. Добар играч, ама не е на исто ниво со некој како Мбапе, -истакна Абубакар кој е прв стрелец на турнирот со шест голови.