Капело за нерешениот проблем на Милан: Станува збор за играч кој добива лоши совети како Ѕаниоло

Рафаел Леао и натаму останува нерешен проблем за Милан и преговорите околу нов договор дефинитивно влијаат врз неговите перформанси, бидејќи португалскиот репрезентативец во последно време е само бледа сенка на играчот од минатата сезона.

Леао беше резерва на Пиоли на натпреварите против Сасуоло и Интер, па се врати во стартната постав против Торино минатиот петок, па очекувањата се да биде сигурен стартер и на утрешниот меч со Тотенхем во Лигата на шампиони.

– Леао останува фудбалски феномен, без оглед на тоа што не е на нивото од минатата сезона. Како и да е, тој не смее да биде изоставен во овој тим на Милан, – вели легендарниот Капело и додава.

– Тој е клучен играч за Милан и тоа може да се почувствува. Јасно е дека во моментов станува збор за играч кој добива доста лоши совети околу својата иднина, исто како што беше и со Ѕаниоло. Нивните глави беа насочени само кон договорите и не мислеа на фудбал.

– Милан мора да нападне против Тотенхем. Тотенхем го има Кејн, но се многу слаби во одбрана и во средина. Милан мора да нападне утре на свој терен, – потенцира Капело.