Кансело не испочитувал една инструкција од Нагелсман на дебито: Испадна добро што не ме послуша

Жоао Кансело вчера дебитираше за Баерн Минхен и се претстави на новите соиграчи и навивачи со асистенција за водство од 0:1 против Мајнц, акција која доби посебна тежина и на прес-конференцијата поради инструкциите кои ги дал Јулијан Нагелсман од клупата.

Пред да следи дриблинг и центаршут од Кансело, германските новинари можеле да го слушнат Нагелсман кој силно му викал на Португалецот да му додаде на слободниот Павар, но наместо тоа, десниот бек испрати додавање по кое Чупо Мотинг го отвори резултатот.

По триумфот од 0:4 и пласманот во наредната рунда во Купот, Нагелсман ја потврди оваа информација и призна дека барал друго од Кансело, кој пак со својот потег направи да ја запише првата асистенција во германскиот фудбал.

– Точно е дека викав да му додаде на Павар. Тој беше под притисок и сметав дека најдобра опција е да додаде д освојот соиграчи. Моја работа е да барам солуции за моите играчи, но сепак играчот е тој кој ја носи последната одлука.

– Јас можам да давам инструкции и да го предложам мојот план, но станува збор за играчи од светска класа и тие ги носат одлуките на теренот. Среќен сум што не ме послуша и што испрати центаршут за гол, – изјави Нагелсман.