Канзас преку историски пресврт до титулата во НЦАА лигата

Кошаркарите на Универзитетот Канзас Џејхокс се освојувачи на пехарот во НЦАА лигата и тоа откако во големото финале ја совладаа Северна Каролина со 72-69.

Оваа титула е посебна за Канзас и истата уште долго ќе се памети затоа што победата беше остварена со најголемиот пресврт во историјата на финалињата на ова натпреварување. Северна Каролина водеше со 15 поени разлика на полувреме (40-25), но продолжението од средбата им припадна на Џејхокс што на крајот донесе огромна радост во Њу Орлеанс.

Четврти пат овој колеџ триумфира на оваа сцена, претходно тоа го направи во 1952, 1988. и 2008 година. кога се во прашање стрелците Вилсон и МекКормак со по 15 поени беше најдобри кај победниците, додека Дејвис и Бекот дадоа исто толку кај поразените.