Канаваро направи кратка анализа и ги посочи фаворитите за Скудетото

Легендата на италијанскиот фудбал, Фабио Канаваро направи кратка анализа и ги посочи клубовите кои според него можат да дојдат до пехарот во оваа натпреварувачка кампања во Серија А.

Канаваро не освои ниту едно Скудето како играч иако беше дел од Наполи, Парма, Интер и Јувентус, но долги години беше во италијанскиот фудбал и многу добро ги познава состојбите, случувањата и активно ги прати сите актуелности, настани. Фабио верува дека актуелниот лидер Наполи и тоа како има шанса да остане на оваа позиција и на крајот на кампањата, но во исто време не заборави да ги посочи двата клуба од Милано, но и Јувентус кој не се прослави по првите седум кола.

-Овој Наполи е цврст. Можат да го освојат Скудетото, но внимавајте на двета клуба од Милано. Тимот на Спалети понекогаш изгледа како ѕид и има различни решенија. За Осимен се мислеше дека е луд коњ, но во шеснаесетникот знае како да ги повреди противниците.

-Никогаш не исклучувајте го Јувентус, тие знаат како да се справат со тешките моменти и ќе можат да се вратат, -порача Канаваро кој воедно типува дека Лионел Меси ќе ја освои „Златната топка“ за оваа календарска година.