Камерон Дијаз нема да се врати во Холивуд по хаосот што настана на снимањето на новиот филм

Актерскиот камбек на Камерон Дијаз би можел да биде краткотраен, според извори кои велат дека на филмската икона не ѝ се допаѓа драмата на филмските сетови. Ова доаѓа откога снимањето на првиот филм на Камерон по пауза од девет години (од 2014) – акциона комедија со Џејми Фокс – наводно било оптоварено со многу проблеми, при што Џејми, кој воедно е и продуцент на филмот, имал нервен слом. Дијаз, најверојатно, повеќе нема да снима, пишува „Дејли мејл.“ Британскиот таблоид се повикува на тврдења од луѓе блиски на актерката дека Back In Action, кој моментно го снима со Џејми Фокс, ќе биде нејзиниот последен филм бидејќи повеќе не може да го одржи темпото. Back In Action, кој почна да се снима во Велика Британија, е првиот филм на кој работи Камерон (50) по мјузиклот „Ени“ и по нејзиното пензионирање од актерството. Проблемите што се појавиле на снимањето резултирале со одлука на 55-годишниот Џејми, извршен продуцент, да отпушти четворица членови на персоналот, вклучувајќи го и неговиот возач, еден продуцент и помошник-режисер. 50-годишната актерка се повлече од Холивуд во 2018 година, но нејзиниот близок пријател Џејми Фокс успеа да ја убеди да се врати и да глуми покрај него во акционата комедија. „Камерон, веројатно, нема да се врати во светот на филмот по завршувањето на овој проект бидејќи ѝ е многу тешко да биде далеку од семејството и ги мрази драмата и конфликтите, кои често избувнуваат на филмските сетови“, изјавиле извори блиски до неа, како што пренесува „Дејли мејл. „Таа не може да поднесе драма и конфликти. Затоа се пензионира, мисли дека веќе се докажала во индустријата и дека нема кому да му се докажува“, додаваат тие. Во 2019 година Камерон ја дочека ќерката Редикс со својот сопруг, музичарот Бенџи Мејден. Камерон го прослави своето име во филмови како „Има нешто за Мери“ (1998)