Калин напредуваше 115 позиции и дојде до најдобриот пласман во неговата кариера

Новата македонска тениска гордост, Калин Ивановски забележа голем скок на најновата АТП ранг листа.

Ивановски поради добрите изданија во изминатиов период се избори за напредок од 115 позиции и со вкупно 42 бода е 635 на светот што е негов најдобар пласман во досегашната кариера. Кога се во прашање нашите тенисерки скок имаше и Горазд Србљак (6 места) и сега е 998 на рангирањето.

Останатите асови како Обрад Марковски, Томислав Јотовски, Берк Бугариќ и Стефан Мицов имаа пад од 6 до 352 места.

Кога е во прашање врвот таму понатаму е Алкарас пред сонародникот Надал по што следуваат Циципас, Руд, Медведев, Оже Алијасим, Рубљов, Ѓоковиќ, Фриц и Руне кој ја заокружува првата десетка.