Калабрија: Веруваме дека ќе го освоиме Скудетото

Милан направи два неочекувани киксови против Болоња и Торино и ја загуби пол позицијата во трката за Скудетото во Серија А, односно повеќе ништо не е во нивни раце затоа што ако Интер до крајот ги добие сите натпревари тогаш по вторпат во низа ќе се радува за трофејот во елитната италијанска конкуренција.

Сепак има доста натпревари, доста минути за игра, па во таборот на „росонерите“ се оптимисти и веруваат дека ќе можат да го задржат врвот на табелата по 38. коло.

-Немаме конзинстетни резултати само во оваа година. Работевме на тоа многу и долго време. Се познаваме се повеќе и повеќе, имаме многу различни можности на теренот и резултатите доаѓаат. Вложуваме се што имаме во него. Свесни сме за нашиот потенцијал. Ние веруваме дека можеме да стигнеме до крај таму. Има тимови кои можеби се подобро подготвени од нас за толку долга сезона, но ние веруваме. Зошто да не веруваме? -истакна Давиде Калабрија притоа посочувајќи како да ја прекина серијата без даден гол.

-Треба да шутираме повеќе. Тоа е она што ни недостасуваше во последните натпревари. Треба да се обидеме да шутираме многу повеќе бидејќи имаме напаѓачи, без нужно да се ограничиме на префрлање на топката и можеби да дозволиме акцијата да избледи. Ние имаме самодоверба. Работиме напорно за да стигнеме до петок (Џенова) на најдобар можен начин, -порача Калабрија.