Каков потег на Лука во Њујорк: Дончиќ со асистенција од која боли глава

09.02.2024 Februari Petok

Лука Дончиќ уште еднаш го предводеше Далас Маверикс до нова победа во НБА лигата, овојпат на гостувањето во „Медисон Сквер Гарден“ кај Њујорк Никс.

Гостите од Тексас славеа со 122:108 во натпревар во кој Дончиќ беше автор на 39 поени, собра 8 скока, забележа 11 асистенции, украде 4 топки и имаше 1 блокада.

Воедно Словенецот беше автор на потегот на натпреварот и денот во НБА лигата затоа што изведе магија во првата четвртина, односно на брилијантен начин го пронајде центарот Двајт Пауел кој потоа под кошот не смееше да ја упропасти мајсторијата на соиграчот.