Кадиз покажа понизност и класа по историската победа на „Камп Ноу“ (Фото)

19.04.2022 April Vtornik

Кадиз избегна од опасната зона на сметка на Барселона и вчера направи вистински подвиг на „Камп Ноу“, што всушност е продолжување на добрата серија која започна против каталонскиот гигант од минатата сезона.

„Жолтите“ остварија една победа и едно реми против Барса во претходната натпреварувачка сезона, а со идентичен скор минаа и сега во ситуација кога Чави значително го подигна нивото.

По разочарувачкото реми за Барселона оваа сезона кога тренер се уште беше Куман, Кадиз сега го шокираше и Чави и вчера со победата од 0:1 стигна до историскиот триумф на „Камп Ноу“, прв во историјата во домот на Барса.

Истиот послужи Кадиз да побегне од опасната зона во која беше пред оваа натпреварувачка рунда, но и покрај големата еуфорија, фудбалерите и одговорните луѓе за хигиена останале понизни и добро си ја завршиле работата и ја оставиле соблекувалната чиста на „Камп Ноу“.

Одредени тимови и играчи знаат да се занесат по голем триумф и да остават огромен хаос зад себе, но таков не е случајот со Кадиз кој и се заблагодари на Барселона за гостопримството.

– Вистинската чест е да се натпрварувате и да остварите историска победа во сценарио како она на „Камп Ноу“. Благодарност до Барселона за односот кон нашата експедиција во секој момент. Ви посакуваме среќа во остатокот од сезоната, – гласи објавата на Кадиз.