Истрагата покажа дека пилотот е виновен за несреќата во која загина Коби Брајант

09.02.2021 februari vtornik

Официјалната истрага за падот на хеликоптерот во која беа Коби Брајант, неговата ќерка и уште седум лица, е завршена и утврдено е дека виновникот за несреќата е пилотот. Тој одлучил да лета во облаците иако тоа е забрането со закон. Во официјалниот извештај за падот на хеликоптерот на повеќе од 600 страници се наведува дека пилотот Ара Зобајан најверојатно доживеал просторна дезориентација, поради што верувал дека авионот се искачувал, иако всушност се спуштал. Механички дефекти во хеликоптерот Сикор С-76 немало и се очекува по овој извештај, Федералната агенција за воздухопловство во САД да даде препораки со цел да се избегнат несреќи од ваков тип во иднина. – Ридскиот терен во комбинација со просторната дезориентација на пилотот во облаците било фатално. Пилотот не знаел по кој пат тргнал – изјави Бил Инглиш, главниот истражител. Во трагедијата загинаа девет лица.