Историски двобој во Порто: Португалија – Македонија во вторник по место во Катар!

24.03.2022 Mart Cetvrtok

Победите на Македонија и Португалија во полуфиналните бараж натпревари носат неочекувано финале меѓу овие две селекции во вторник во Порто. Претпоследните европски прваци се фаворити и домаќини, но Македонија вечерва го совлада актуелниот европски првак и испрати сериозна порака за фудбалскиот свет.

За дуелот на „Драгао“ ќе бидеме посилни за Костадинов и Елмас, а селекторот Милевски може да повика и нови фудбалери штом делегацијата ќе се врати во Скопје. Македонските фудбалери денес нема премногу да слават, бидејќи ги чека одмор и пат во недела попладне за Португалија.

Европската фудбалска унија (УЕФА) в недела ќе ги објави официјалните лица за историскиот дуел Португалија – Македонија. Финалниот натпревар во баражот за пласман во Катар е закажан за во вторник со почеток од 20:45 часот.