Иско се загреваше како „вистински професионалец“, помошникот на Зизу не можеше да поверува (Видео)

10.02.2021 februari sreda

Зинедин Зидан имаше на располагање само 13 играчи од првиот тим на вчерашниот натпревар против Хетафе, но дури и во таква ситуација не му даде шанса на Иско Аларкон во стартната постава.

Францускиот стручњак очигледно не верува во некогашниот шпански репрезентативец дури и во ситуација кога нема многу избор и солуции за составување на стартните 11, но ако се земе во предвид односот кој го има Иско, може лесно да се заклучи дека тренерот на Реал носи правилни одлуки.

Последната епизода доаѓа од вчерашниот меч против Хетафе на кој Иско доби шанса само во завршницата, но пред да ги одигра последните 15 минути откако го замени Асенсио, имал навистина „енергично“ загревање крај аут линијата кое сега ги разлути навивачите на Реал.

Шпанските емисии ни презентираа каков напор вложил Иско во ситуација кога бил повикан да се загрева, или поточно, потребни му беа една минута и 20 секунди за да си ја намести косата, пред да ги следи инструкциите од помошникот Дупон кој се гледа дека го загуби трпение и бараше побрзо да стартува со загревањето.