Инѕаги: Направивме да изгледа многу полесно отколку што беше навистина

Интер го потврди статусот на фаворит и ги освои трите бода на гостувањето во Чешка кај Плзен.

Един Џеко и Дензел Дамфрис беа стрелци на погодоците со кои калчолигашот обезбеди триумф од 2-0, триумф кој го израдува тренерот Симоне Инѕаги.

-Среќни сме, бидејќи знаевме дека нашите противници не треба да се потценуваат, бидејќи ниту еден италијански тим досега не победил во Плзен. Момците завршија добра работа и останаа сконцентрирани. Знаевме дека ќе биде тежок почеток на оваа сезона, особено со повреди, но тимот се подобрува со физичката подготвеност како што одминува времето.

-Лукаку ќе се врати по репрезентативната паузата, а потоа ќе можам да го бирам нападот од натпревар во натпревар. Ни требаат сите оваа сезона, -рече Инѕаги и продолжи:

-Баерн и Барселона се меѓу најдобрите тимови на светот. Знаеме со кого се соочуваме, целта денеска беше да ги донесеме бодовите. Направивме да изгледа многу полесно отколку што беше навистина, бидејќи ниту еден италијански клуб досега не победил во Плзен, -заврши тренерот на „нероаѕурите“.