Инѕаги ги потсети новинарите на интересен податок поврзан за Интер по триумфот во финалето

Симоне Инѕаги го освои својот втор трофеј како тренер на Интер, бидејќи по успехот во Суперкупот, неговиот тим вчера беше поуспешен и во финалето во Копа Италија. Интер го совлада големиот ривал Јувентус по одиграни дополнителни 30 минути со резултат 4:2 и стигна до првиот трофејот во Купот по пауза од 11 години, или вкупно осми во клупската историја. – Генерално одигравме добро против многу, многу силен противник. Првиот половина час беше на наша страна, потоа имавме пад и лошо отворање на вториот дел. Мораме да бидеме повнимателни, но добро е што овој тим никогаш не се откажува. Ако некогаш ми треба одговор, секогаш го добивам од овие играчи. – Сега ни преостануваат уште два меча во Серија А и ќе дадеме се до крајот на сезоната. Исто така, треба и да уживаме во овие моменти, цела декада ги немавме освоено трофеите во Суперкупот и Купот. Среќен сум за клубот и овие прекрасни момци и фанови, – вели Инѕаги кој смета дека Интер треба да добие посебна заслуга за тоа што одлично се покажа на сите фронта. – Ние го победивме Ливерпул во Лигата на шампионите, ние сме единствениот тим кој го победи Ливерпул во 2022-ра година. Дадовме се во тоа осминафинале и несреќно испаднавме. Тоа не чинеше и бодови во Серија А, но не жалиме за ништо. Финалето беше 50-ти натпрвеар за нас оваа сезона и не можам да барам повеќе од овие момци, – изјави Симоне.