Интер договори Бразилец, камерите го уловија во клупската централа (Видео)

Интер наскоро ќе ја започне новата сезона во која има големи амбиции, а од денеска е јасно дека ќе биде посилен за уште еден квалитетен играч.

Се работи за Карлос Аугусто, бразилскиот интернационалец кој досега го носеше дресот на Монца и за кого двата клуба успеале да најдат заеднички јазик за трансфер во летниот преоден рок.

Аугусто беше едно од најпријатните изненадувања последната сезона во Серија А, за него се интересираше и Јувентус, но на крајот решил да потпише за Интер и да му се стави на располагање на Симоне Инѕаги.

Аугусто може да настапува на повеќе позиции и ќе биде замена за Робин Госенс, а денеска камерите го уловија во клупската централа на Интер во Милано.

Интер ќе плати 13 милиони евра, плус евентуални бонуси за откритието на Адријано Галијани и неговиот тим скаути.