Search
Интер го слави Џеко, Наполи за првпат падна во оваа сезона
- Aleksandar Santovski
- Jan 5, 2023
- 1 min read
Фудбалерите на Интер изборија победа над Наполи од 1-0 во дерби натпреварот од 16. коло во Серија А.
Поранешниот италијански шампион беше решен да го матира лидерот на „Џузепе Меаца“, а таа упорност донесе резултат и три големи бода од оваа пресметка. Клучниот моменет се случи во 56 минута кога Ди Марко го пронајде Џеко кој со глава ја смести топката во мрежата на Мерет.
Нашиот Елиф Елмас влезе во игра во 76 минута, но и тој не можеше ништо да направи да го спречи првиот сезонски пораз.
Наполи останува лидер со 41 бод, ама сега има „само“ пет повеќе од Милан и седум, односно осум од Јувентус и Интер.
Удинезе на Илија Несторовски ремизираше со Емполи (1-1)

Commenti