Иницијативна група со правна поддршка ќе проба да ги реши проблемите во ДПМ

13.02.2024 Februari Vtornik

Иницијативна група составена од членови на ДПМ со правна поддршка ќе проба да дојде до заеднички јазик со целото членство, а целта е да се разреши и надмине сложената состојба предизвикана од промените што ги налага следењето на статутот на Друштвото, сè со цел конечна консолидација на Асоцијацијата, стои во соопштението од иницијативната група на ДПМ.

– Правната поддршка се навестува како објективен медијатор меѓу членовите, а целта е заедничка и во интерес на сите: одржување изборно Собрание, доаѓање до ново раководство, а потоа и обнова на нормативните акти и на правната инфраструктура. Тоа пред сè би значело зацврстување на поврзаноста помеѓу членството на ДПМ, но и засилување на присуството на Друштвото како во заедницата, така и на меѓународна сцена. Во суштина, тоа би било осигурување на континуитетот на ДПМ, и славење на живото наследство на основачите, великани од првата генерација современи македонски книжевници, писатели и поети: Блаже Конески, Ацо Шопов, Славко Јаневски, Владо Малески, Коле Чашуле, Иван Точко, Васил Иљоски и Димитар Митрев – објаснува Живко Грозданоски, член на иницијативната група.

Друштвото на писатели денес одбележува 77 години од своето постоење.