Имаме нова голема тројка: Вестбрук нема да остане во Јута, се сели во тим со кој ќе брка титула во Н

Имаме нова голема тројка: Вестбрук нема да остане во Јута, се сели во тим со кој ќе брка титула во НБА лигата Расел Вестбрук во изминативе две години беше дел од тимот на Лос Анџелес Лејкерс кој на крајот реши да се откаже од него и преку трејд, размена на играчи да го испрати во Јута Џез. Меѓутоа иако беше испратен во Солт Лејк Сити веднаш се знаеше дека тој нема да остане во оваа средина, поточно ќе бара нов клуб во кој ќе ја продолжи кариерата со оглед на тоа што „џезерите“ се состав кој во моментов се гради, поточно треба да донесе резултати во иднина. Плејмејкерот ќе се договори со Јута околу откупот на договорот, а веќе и знае каде ќе продолжи откако ќе се заврши оваа претходна операција. Имено тој се решил да го избере Лос Анџелес Клиперс и покрај интересот од Мајами Хит, Вашингтон Визардс и Чикаго Булс. Клиперс бил наупорен, најконретен и го убедел Рас нив да ги избере што значи дека одново имаме тим со „голема тројка“ затоа што тука од претходно со Пол Џорџ и Кавај Ленард. Ова значи дека Вестбрук сега ќе му биде ривал на Лејкерс што е уште една интересна работа. Клиперс има одличен тим кој е спој на младост и искуство, состав предводен од Тајрон Лу и ако главните асови останат здрави тогаш дефинитивно ќе има што да каже во борбата за пехарот во најдобрата лига на светот.