Илон Маск: Имам план Б доколку „Твитер“ ја одбие мојата понуда

Мегамилијардерот Илон Маск тврди дека има доволно пари за да го купи „Твитер“ и дека сѐ уште размислува што да направи во таа насока. Коментарот доаѓа по драмата што ја предизвика со својата понуда за преземање на платформата во текот на ТЕД-конференцијата во Ванкувер. Во интервју за Крис Андерсон, извршниот директор на „Тесла“, Илон Маск, кој минатиот четврток достави понуда од 43 милијарди долари за купување на „Твитер“, изјави дека има доволно средства за да ја купи компанијата за социјални мрежи и веќе има подготвено план Б доколку управниот одбор реши да ја одбие понудата. Иако го најави, тој засега не открива каков му е планот Б.