top of page

Илиоски обезбеди најмалку бронза на Светското првенство во Португалија

Nov 22, 2023
1 min read

Откако успешно ги мина квалификациите, Бобан Илиоски оствари навистина голем успех на Светското ВАКО првенство кое се одружува во Португалија, па денеска обезбеди пласман и во полуфиналето.

Турнирот на кој домаќин е градот Албуфеира продолжи со возбудувањата денеска, а оттаму пристигна информација дека македонскиот кикбоксер се пласирал меѓу четирите најдобри, што според форматот му гарантира бронзен медал.

Илиоски бил убедлив во дисциплината лоу-кик до 86 килограми и го победи Алберт Угинчиќ од Босна, па сега во полуфиналето ќе има противник од Азербејџан.

Елјан Алкишијев славеше над Бразилецот Роча де Карвалјо со 2:1, па тој ќе биде последна пречка за Илиоски пред големото финале.

Македонскиот борец со пласманот во полуфиналето си загарантира бронзен медал, но кога дојде во ваква ситуација, сигурно ќе го нападне и златото.


 
 
 

Comments


bottom of page