Изложба на портрети на Мајкл Клоуз од Канада во Кавадарци

Синоќа во галеријата на домот на културата „Иван Мазов Климе“ во Кавадарци беше отворена изложба на ликовниот уметник Мајкл Клоуз од Канада. Изложбата всушност е дел од колекцијата на градскиот музеј на градот Чазма од Хрватска која авторот ја донирал уште во 2002 година по неговата успешно претставување во Хрватска.

Мајкл Клоуз е роден во Канада. Дипломирал во 1977 година на престижниот и најстар Онтарио Колеџ на уметноста и досега има реализирано повеќе од 130 самостојни изложби од кои 18 во еминентни свестки национални галерии. Повеќе од 40 години работи на филмот, телевизијата и во театарот, пред се како сценограф. Низ уметноста го пронашол чуството на сопствена вредност која му недостасувала во детството, а што е најважно со уметноста го пронашол својот смисол за живот. Иако има искуство и практика вo многу облици на уметноста, со текот на годините се фокусира на портрети со користење на стилизирани лица и фигури.