Изложба на Ирена Паскали во Галерија „КО-РА“

Изложбата насловена „Moving Imagers in stormy Times“ од македонската уметница Ирена Паскали која живее и работи во Келн (Германија) ќе биде отворена вечерва во 19 часот во големата сала на Галеријата „КО-РА“ при Ј.У. Дом на култура „Кочо Рацин“ – Скопје.

Ирена Паскали е родена во Охрид, 1969 година. Дипломирала на ФЛУ, а магистрирала на Академијата за медијални уметности во Келн, Германија (Academy of Media Arts Colon, Germany, Германија).

Паскали има реализирано бројни самостојни изложби и учество во бројни групни изложби од интернационален карактер. Добитник е на интернационални резиденции, стипендии, награди. Работи во повеќе медиуми, видео, фотографија, инсталација, цртеж.